BAI EUSKARARI ZIURTAGIRIA

Ziurtagiriaz

Hemen zaude: Ziurtagiriaz > Albisteak

Albisteak



Arakaldoko Udalak Bai Euskarari Ziurtagiria eskuratu du

Arakaldoko alkate Victor Egiak Bai Euskarari Ziurtagiria jaso du Rober Gutierrez Ziurtagiriaren Elkartearen zuzendariaren eskutik. Lorpen hau azken hilabeteotan, “Urrats Biziak Bizkaian” lelopean Ziurtagiriaren Elkartea Bai Euskarari Ziurtagiria Bizkaian hedatzeko burutzen ari den kanpainaren baitan kokatu behar da.

Ziurtagiriaren Elkarteak 2012. urterako zehaztu dituen erronken artean, lehentasunezkoa da Bai Euskarari Ziurtagiria Bizkaian zabaltzea. Gaur egun 1.500 entitate inguruk daukate Ziurtagiria; horietatik 203 (% 14) dira Bizkaikoak.

Bai Euskarari Ziurtagiria duten enpresen artean hurrengoak aipa daitezke: Arlan S.A., Athletic, Azti Technalia, Bankoa, Bengozarra Eraikuntza Metalikoak, CEGASA, Durangoko Maristak, Energiaren Euskal Erakundea, Eroski, Fremap, Inforlur, S.A.U. azpiegiturak, Iurreta Institutua, Izagirre S.A. Eraikuntza Metalikoak, JEZ Sistemas Ferroviarios , Leioa Berri Auto (Renault), Refractarios Kelsen (Grupo Calcinor), Gometegui Tailerrak, Telvent, ULMA, VUSA, eta abar.

Bizkaiko hedapen kanpaina otsailean hasi zen. Orduz geroztik hainbat entitate berrik eskuratu dute Bai Euskarari Ziurtagiria eta kanpainak martxan jarraituko du urte amaierara arte.

Bai Euskarari egitasmoa sustatzeaz gain, herrian euskara indartzeko beste hainbat ekimen ere ari da burutzen Arakaldoko Udala. Horien artean, aipatzekoa da herrian bertan euskara ikasteko 12 laguneko talde bat sortu izana. Udaletxean ematen dira euskara klaseak eta Laudioko AEKko euskaltegitik joaten da irakaslea euskara irakastera Arakaldoko 12 lagun horiei. Udalak bere osotasunez ordaintzen du ikastaroa.

Facebook Twitter Delicious Yahoo Meneame.jpg

Lortu hemen
ziurtagiridunen aldizkaria

Informazioa:

902 43 00 26

(0033) 5 59 25 50 41

info@baieuskarari.org

 

Bai Euskarari Ziurtagiriaren proiektuak hauen laguntza izan du